27.02.2025. A UTE Xestión Cangas finaliza este mes de febreiro a instalación dun novo sistema de presión e subministro de auga na rúa Chamiceira, na parroquia de O Hío. Un novo equipo con control electrónico de presión e un dispositivo de expansión está deseñado para garantir un subministro constante de auga, mesmo nos picos de consumo. A instalación evitará as baixadas de presión de auga que se producían na zona nas semanas do ano con maior demanda de auga (fundamentalmente no verán) debido ao aumento da poboación na contorna.
A realización das obras sobre terreo brando axilizou os prazos de execución da infraestrutura, que inclúe a instalación de bombas de presión. O proxecto está financiado a través do plan de investimentos da UTE Xestión Cangas, cun orzamento de 29.000 euros.
